幸福小孩

上星期日是妹妹的八歲大壽，雖然沒有擺番幾圍大宴各方，但就請來了整個家族。生日派對的高潮，當然就是小主角切蛋糕的一刻啦，只是......蛋糕在哪？

登...登...登...櫈...還不是那個華麗而端莊的Barbie公主！

活了這麼多年，才第一次見識到現代人的生意頭腦，難怪吸引了一眾疼愛小女兒的家長們，踴躍訂購。

在場一眾未見過世面的親友，都在好奇地問這問那：

隻手食唔食得？唔得。

頭髮食唔食得？唔得。

紅色頭髮係咩味道？都話咗唔食得咯，仲問咩味！有冇聽書o架你？！

咁「邊忽」先食得？條裙囉！

「裙擺是用忌廉做的，裙上的銀色珠珠係糖，裙裡面上層是栗子蛋糕，下層是黑森林蛋糕.....」妹妹仔細地給我們講解Barbie的生理構造。

當日還有小表哥現場鋼琴伴奏，同時大家就齊齊送上生日歌。

唏，刀~下~留~（蛋）~ 糕！小朋友們都嚷著要跟小主角和即將被殲滅的Barbie合照。

看！妹妹生日，哥哥寧舍搞鬼，叫他笑，他竟擺出個奇哥look，真係想比埋條電燈柱佢"ai" 住。而兩個表姐仔就穿金帶銀、着到好行咁嚟賀表妹。

至於堂細佬蘇格拉底呢？他因為搞不通一個非理性的哲學問題，所以正在發老脾，沒心情參與別人的盛事。